در ادامه یادداشت 29 فروردین (درد دل)

بنوم   خدا

جان  پیر  تازه  اسا   شه  جا  سته  راست  بیه

جان  مار  بخاری  تش په      دست لمه  ونه  دست  دله

انده  هرستا  بیه  تا که  شیره  کله  سر  وسته  بئیره   بعد  شم  پیر بعد  نون  و

چایی  هدائن  بدرقه  کرده  تا پیر   بوره  از  خنه  بیرون  تا  نماشون   شه  جان

تن ر کار  بزنه  تا  اما  چندتا  وچون اشکم  ر  سر  هاکنه

سرد  زمستون   تا خاسته روز  بنه  هایره  اتا  سال  انگاری  بیه

اونگدر   که   دم  ظهر  بعد  نهار  چپا  پیچ  پیچ   بخردن    مدرسه   شیمی

صبح  جا  اون  شو  تا   سواهی  برف   اگه  بزو  بو  تا  امه   درو   نارم

کتار  بن   رسیه    سواهی  هم  اتی  مار  ر  تن  شیمی  تا  کلوم   برکستن 

یا  گو   ر   او  هدائن  کایر  بوئیم   اما  وستا  چشمه  سر  شه  چند  تا  گو  ر

یه   جوری    او  هدا  بوئیم    که   مثل   ملک   خاله   چند  تا   گو  یا  که 

منصوره  خاله   زرد  منگو   وسته   سره   نئیرن.

کرک  و  سیکا  و  بوقلمون   همه  سرپیش   دله     

                                               سرو  صداشون  تا   یوره   سره  بلند  بیه

پرپر زنون  دیم    به  اتا  میست  گندم    اتی  گل گل نون   که  اشون  شوم

په  بموندسته  بیه   شندیمی    حیوون   خدای  پیش   چه  اشتهایی   تا  شه

چش   ر  بچرخندی   بوئی  سر  ر  راست   کردنه  دست  دله   گندم  ر  زار  زار

وینستنه   بعد  شم   کرک و  سیکا   و  بوقلمون  ر  وینستمی    اتا  چک   ر پر  دله

جا  کردنه   تا  که  سردی   زمستون   برف  دله   سیو  نووئن.

هنوزم   مه   یاد   نشونه    د  سه  ماهی   که  بموندستبو   به  اعید  اشمارستمی

شو  و  روز  ر  که  خدا  سال   شو   وونه   تا  مله   دله  اینتا   و  اونتا   سره

چند  تومن  اعیدی  بئیریم.

و  خلاصه  شش  هفت   روزی   کمتر  بیشتر  نرسی   به   سال   شو   جان  مار

وگد  خاخر  مریم  ابجی   (که  ونه  درد  و  بلا  بخره  مه   سر  دله  ر )  خنه ر

اسبه  گل  جا  اندوسته   بعد   شم  لک  و  لا  و  گلیج  دست  بووفت   جان  مار

و  زیر  انداز   و  لمه  ر  وا   دامی    تا   وشون     هم   به   چش  بوینن افتاب

بهاره.

شه  چش  جا   دیمه  که   قبرستونی   امه   کلوم   ور  جان  بنه  شه  دله

گرم  جا   اور  ر  پته     مره   حالی   بیه     که  دیگه   اسا  اعیدی  بمو.

ای  خدا   اعیدی  بمو         سک  و   سول   شادی  بمو

                                                                         دکلمه  از  فرشید

منتظر  نظرات   سازنده   شما  هستیم..